«İDK BOKT» ötən ili (2019) mənfəətlə başa vurub

​

“İDK” MMC bank olmayan kredit təşkilatı (BOKT) 2019-cu ili 187 min manat xalis mənfəətlə başa vurub. Halbuki, BOKT 2018-ci ildən 5 min manat mənfəətlə çıxmışdı.

​

Ötən il “İDK”nın vergiyəqədərki mənfəəti 203 min manat (əvvəlki ilə nisbətən 40,6 dəfə çox), mənfəət vergisi ödəmələri isə 16 min manat (əvvəlki il olmayıb) təşkil edib.

​

Bu il yanvarın 1-nə “İDK”nın aktivləri 1,9 milyon manat olub ki, bu da illik müqayisədə 22,2% çoxdur. Bunun 1 milyon manatı müştərilərə verilmiş xalis kreditlərdir. 2019-cu ildə BOKT-un kredit portfeli 1,3% böyüyüb.

​

Hesabat dövründə “İDK”nın öhdəlikləri 11 dəfə artaraq 176 min manata, balans kapitalı isə 12,1% artaraq 1,7 milyon manata çatıb.

​

Xatırladaq ki, “İDK” 2011-ci ildə yaradılıb. Onun nizamnamə kapitalı 700 min manatdır. BOKT-un təsisçisi (həm də direktoru) 100% Əliyar Əsgərovdur.